Bt-news.com និង bt-newsdaily.blogspot.com ឩកញ៉ា រ័ត្ន សាខន កំពុងរងការចោទប្រកាន់ ពីប្រជាពលរដ្ឋថា ! លោកឧកញ៉ា បានកាប់បំផ្លាញព្រៃឈើ ក្នុងដែនជំម្រកសត្វព្រៃលំផាត់ បានរលួន ដោយសា ពុករលួយជាប្រព័ន្ធ  !!!!!!

ចូលមើលតាមរយៈ bt-newsdaily.blogspot.com
ចូលមើលវេបសាយតាមរយៈ bt-news.com 
ចាងហ្វាងកាផ្សាយតាមរយៈ ០៩៧ ២២៤៧ ៥៧៧ / ០៧៧ ៨៦៥ ៥០០

ខេត្តរតនគិរី៖ ប្រជាពលរដ្ឋរិះគន់ថា៖ ឩកញ៉ា រ័ត្ន សាខន បានកាប់បំផ្លាញព្រៃឈើ ក្នុងដែន ជំម្រកសត្វព្រៃលំផាត់ ស្ថិតក្នុង ឃុំសេដា ស្រុ​កលំផាត់ ខេត្តរតនគិរី !  នឹងកំពុងតែកាប់ឈើ អារជ្រៀក ឈើ និងដឹកជញ្ជូនឈើ ធ្វើអាជីវកម្មខុសច្បាប់ យ៉ាងអនាធិប​តេយ្យ ។

 ប្រជាសហគមន៍បានរាយការណ៍ឲ្យដឹងថា៖ ក្រុមហ៊ុនឧកញ៉ា រ័ត្ន សាខន បានប្រមូលទិញឈើ និងដឹកជញ្ជូនឈើហ៊ុប ពីតំបន់ផ្សេងៗមកស្តុកទុកក្នុង​បរិវេណដីសម្បទាន សេដ្ឋកិច្ចរបស់ខ្លួន ដើម្បីឲ្យក្លាយជាឈើស្របច្បាប់ ហើយគ្មានមន្ត្រីជំនាញ ឬសមត្ថកិច្ចពាក់ព័ន្ធ ណាចាត់វិធានការ ទប់ស្កាត់ឡើយ បានត្រឹមតែ​មកយកលុយ ដាក់ហោប៉ៅផ្ទាល់ខ្លួនតែប៉ុណ្ណោះ ។ ជាងនេះទៅទៀតនោះ ក្រុមហ៊ុនឧកញ៉ា រ័ត្ន សាខន បានបំផុសឲ្យ ប្រជាពលរដ្ឋកាប់ឈើ ក្នុងព្រៃ សហគមន៍ ព្រៃ​ការពារ ព្រៃអភិរក្ស នឹងតំបន់ដែនជំម្រក សត្វព្រៃលំផាត់ នៅជាប់ដី សម្បទានសេដ្ឋកិច្ចរបស់ខ្លួន ហើយខាងក្រុមហ៊ុន ជាអ្នកប្រមូលទិញយកទាំងអស់ ។

ប្រជាសហគមន៍ឃុំសេដា ស្រុកលំផាត់ ខេត្តរតនគិរី ​បានឲ្យដឹងថា៖ ក្រុមហ៊ុនឧកញ៉ាមិន មែនជនជាតិខ្មែរទេ ឈ្មោះ រ័ត្ន សាខន ធ្វើសកម្មភាព ដូចខាងលើនេះ ច្រើនឆ្នាំមកហើយ ដោ​យសារ តែមានការឃុបឃិត ពីសមត្ថកិច្ចជំនាញពាក់ព័ន្ធ ពុក​រលួយ ជាប្រព័ន្ធតែម្តង ជាពិសេស គឺមាន ការបើកដៃពីមន្ត្រីរដ្ឋបាលព្រៃឈើ និងមន្ត្រីបរិស្ថាន ដែលពួក​គេគិតគូរតែពីរឿង ប្រមូល លុយ ដាក់ហោប៉ៅ ចែកគ្នាធ្វើមានធ្វើបាន ​ រហូតមកដល់ពេលនេះ ។
មហាជនបានរិះគន់ថា៖ មន្ត្រីពាក់ព័ន្ធ នៅតែបណ្តោយ ​ឲ្យក្រុមហ៊ុន រ័ត្ន សាខន កាប់បំផ្លាញ ព្រៃឈើខាងក្រៅបរិវេ​ណ ដីសម្បទានសេដ្ឋកិច្ច ហើយដឹកជញ្ជូន ធ្វើអាជីវកម្មយ៉ាងពេញបន្ទុកផងដែរ ។

ពាក់ព័ន្ធការចោទប្រកាន់ខាងលើ BT-NEWS  ស្វែងរកការបំភ្លឺពីលោក កែប កត់ នាយខណ្ឌរដ្ឋបាលព្រៃឈើ បានទេ នៅរសៀលថ្ងៃទី០៩ ខែមេសានេះ ! ដោយឡែកលោក ផុន ខេមរិន្ទ ប្រធានមន្ទីបរិស្ថានខេត្ត ក៍ស្វែងរកការបំភ្លឺមិនបានដែរ ។

ចំណែក ក្រុមហ៊ុន រត្ន័ សាខន វិញជុំវិញបញ្ហាចោទប្រកាន់ ខាងលើនេះ BT-NEWS មិនអាច សុំការពន្យល់ ពីដំណាងក្រុមហ៊ុនបានទេ នៅរសៀលថ្ងៃទី៩ ខែមេសានេះ ! ដោយសា ពុំមានលេខទូរស័ព្ទទំនាក់ទំនង ៕