BT-NEWS.COM ព័ត៌មាន​ចុះផ្សាយ​រឿង​ឈើ​ អត់​ប្រយោជន៍​ទេ​ !!!  ឯកឧត្តម វ៉េង ​សុខុន  ​រដ្ឋមន្ត្រី ​ក្រសួងកសិកម្ម​រុក្ខាប្រមាញ់ ​និង​នេសាទ​ ​ប្រាប់​កាសែត​ឲ្យ​ប្តឹង​ !! បើ​ដឹង​ច្បាស់

​មើល វេប សាយតាមរយៈ bt-news.com 
ចាងហ្វាងការផ្សាយតាមរយៈ ! ០៩៧ ២២៤៧ ៥៧៧ / ០៧៧ ៨៦៥ ៥០០
ខេត្តកំពង់ធំ​៖ ឯកឧត្តម ​វ៉េង ​សុខុន ​រដ្ឋមន្ត្រី​ ​ក្រសួងកសិកម្ម​រុក្ខាប្រមាញ់ ​និង​នេសាទ​បាន​ជម្រុញ ​ឲ្យ​អ្នកកាសែត​ប្តឹង​ពួក​ឈ្មួញ ​និង​មន្ត្រី​របស់ឯកឧត្តម ​បើ​ដឹងថា​កាប់​ឈើ​ខុសច្បាប់​ និង​ឃុ​ប​ឃឹ​ត​គ្នា​ពុករលួយ​ ! ​ប្រសិនបើ​លោក​ដឹង​ច្បាស់​ថា​ជា​អំពើ​ខុសច្បាប់​លោក​គួរ​កសាង​សំណុំ​ឯកសារ​ប្តឹងទៅ​តុលាការ​តែម្តងទៅ​ប្រសើ​ជាង​ចុះផ្សាយ​បែបនេះ​ពុំមាន​ន័យ​អ្វី​ទេ​ ​។​
ប្រតិកម្ម​នេះឯកឧត្តម ​វ៉េង​ សុខុន ​បា​នកើតឡើង​ក្រោយ​ពេល​ដែល ​ព័ត៌មានបាន​ចុះផ្សាយ​ពី​ករណី​កាប់​ដឹកជញ្ជូន​ឈើ​ចេញពី​ព្រៃ​ឡង់​ដែល​កាសែត​ និង​គេហ​ទំ​ព​រ័​ជាច្រើន​ផ្តោតទៅលើ​ឈ្មោះ​ សេង កុក​ឃាង ​ហៅ​តា​៩៥ ដែលជា​តំណាង​ទទួល​សិទ្ធិ​ក្នុង​ក្រុមហ៊ុន​សេងគាង ​( C.R.C.K ) ​ដែល​បន្លំ​លួច​កាប់​ឈើ​ប្រណីត​ដឹក​ចេញពី​ទំរីង តំបន់​ព្រៃ​ឡង់​ខេត្តកំពង់ធំ​យ៉ាងសកម្ម​ កាលពីពេល​ថ្មីៗ​នេះ ។




​ប្រភពពី​អ្នក​ស្រឡាញ់​ព្រៃឈើបានឲ្យថា៖ តំណាង​ក្រុមហ៊ុន​ដី​សម្បទាន​សេដ្ឋកិច្ច (C.R.C.K) ដែល​សំអាងថា មានច្បាប់​វិនិយោគ សព្វថ្ងៃ​កំពុង​ក្លាយជា​កន្លែង​កាប់បំផ្លាញ​ព្រៃឈើ និង​ដឹក​ប្រមូលយក​ឈើ​ប្រណីត​គ្រប់ ប្រភេទ​មាន ធ្នង់ នាងនួន បេង កកោះ ពពែ​ល គគីរ គ្រញូង ដែល​ត្រូវបាន​ពួក​ឈ្មួញ​ល្មើសច្បាប់​នាំគ្នា សម្រុក​ដឹក ចេញពី​តំបន់​ព្រៃគុហ៍ ​ព្រៃ​ឡង​) ក្នុង​ទឹកដី​ស្រុក​សណ្តាន់ ខេត្តកំពង់ធំ យកទៅលក់​នៅ​ទីផ្សារ​តាម​ដេប៉ូ​ឈើ​ខុសច្បាប់ ស្របច្បាប់​ក្នុង​ខេត្ត​ក្រុង​មួយចំនួន​ដឹកចេញទៅ​បរទេស​យ៉ាង​ក្រអឺតក្រទម ។​

​ចំណែកឯ​ក្រុម​សមត្ថកិច្ច​ជំនាញ​រដ្ឋបាល​ព្រៃឈើ​មាន​នាយ​ខណ្ឌ នាយផ្នែក សង្កាត់រដ្ឋបាល​ព្រៃឈើ​កំពង់ធំ ម្នាក់ៗ គឺ​កំពុង​សម្ងំស្ងៀម​រង់ចាំ​ទទួលផល​ប្រយោជន៍​ខុសច្បាប់​ពីបទ​ល្មើស ពិសេស​ទទួល​លុយ​ពី​ម្ចាស់​ក្រុមហ៊ុន​មួយ​នេះ ជាក្រុម​ឈ្មួញ សេង គុក​ឃាង និង​សេង គាង C.R.C.K ​យ៉ាង​ស្ងាត់ស្ងៀម ក្រោមលេស​ថា​ក្រុមហ៊ុន​មានច្បាប់ ។ 

​ប្រជាពលរដ្ឋ​និយាយថា ពួក​ឈ្មួញ​មានអំណាច​តំណាង​ក្រុមហ៊ុន​មួយ​នេះ មិន​ត្រឹមតែ​លួច​ចាំ​ទទួល​ទិញ​ឈើ​ខាងក្រៅ ក្រុមហ៊ុន​ប៉ុណ្ណោះ​ទេ គឺជា​អ្នក​នៅ​ពីក្រោយ​ខ្នង​អ្នក​ចូល​កាប់​ឈើ​ក្នុងព្រៃ​ឡង់​ផងដែរ​ ។
ជាក់ស្តែង​បច្ចុប្បន្ន​ក្រុមហ៊ុន C.R.C.K នេះ​គ្មាន​អភិវឌ្ឍន៍​ដាំ​ដុះ​អ្វី​ឱ្យ​ប្រាកដ​នោះទេ ក្រៅពី​អង្គុយ​ច្នៃប្រឌិត និង​នៅ​ពីក្រោយ​ការរៀបចំ ឲ្យ​ជនខិលខូច​ចូលទៅ​កាប់បំផ្លាញ​ព្រៃឈើ ក្នុង​តំបន់​ព្រៃ​ឡង់​ដឹក​ចូល​ក្រុមហ៊ុន​ពី​ឈើ​ខុសច្បាប់ ទៅជា​ឈើ​ស្របច្បាប់​សម្រាប់​លក់ និង​ដឹកចេញទៅ​កាន់​ទីផ្សារ​លក់​ថា​ជា​ឈើ​មានច្បាប់​របស់ C.R.C.K តែ​ប៉ុ​ណ្ណោះ ។​

​បើតាម​ផ្ទៃក្នុង​ក្រុមហ៊ុន​បាន​ទម្លាយ​ថា រាល់ពេល​ដឹក​ចេញ​គឺ​ក្រុមហ៊ុន​នេះ​ដឹកឈើ​ជ្រក​ក្រោម​ច្បាប់​ដឹក​ចេញ​ចាប់ពី ២០០-៣០០ ​ម៉ែត្រគូប ! គេ​ធ្លាប់​ឆែកឆេរ​ឃើញ​មាន PC ពី​ពេលកន្លងមក ក្នុងចំណោម ១០​រថយន្ត គឺ​ឃើញ​មានតែ ១​រថយន្ត និង​ពីរ​រថយន្ត​ប៉ុណ្ណោះ ។ ប៉ុន្តែ​គេ​ពុំដែល​ឃើញ​ក្រុមហ៊ុន​នោះ ទទួល​កំហុសឆ្គង​ត្រូវបាន​ដក Licen និង​ពិន័យ​នោះទេ ផ្ទុយទៅវិញ​ រីឯម​ន្ត្រី​ឈរជើង​ដូចជាលោក តិ​ប ញា​ត៉ា នាយ​ខណ្ឌ​រដ្ឋបាល​ព្រៃឈើ​កំពង់ធំ  លោក សៅ វ​ណ្ណី នាយផ្នែក​រដ្ឋបាល ព្រៃឈើ​សណ្តាន់ និង​នាយ​សង្កាត់រដ្ឋបាល​ព្រៃឈើ​សណ្តាន់​ជាដើម មិនដែល​ហ៊ាន​ក្អក​ទេ​ជាមួយ​ក្រុមហ៊ុន ​សេង គាង ​( C.R.C.K ) ​។

​ជាក់ស្តែង តាម​សេចក្ដីរាយការណ៍ ពី​ខេត្តកំពង់ធំ បាន​ឲ្យ​ដឹងថា ក្រុមហ៊ុន ​៩៥ ឬ​ក្រុមហ៊ុន​សេងគាង​( C.R.C.K )​បាន​ប្រើប្រាស់ នូវ​រថយន្ត​ធំៗ ដឹកឈើ ​ ! ជាក់ស្ដែង​កាលពី វេលា ​ម៉ោង ១២​ និង ​៣០​នាទី ​ថ្ងៃទី​១៩ ​ខែវិច្ឆិកា ឆ្នាំ​២០១៦ កន្លងមកនេះ មាន​​រថយន្តដឹ​ក​ឈើ ខ្នាត​ធំ​ចំនួន ០​៥​គ្រឿង ​ចេញពី ក្រុមហ៊ុន​៩៥​ ​មិនដឹង ថា​មាន ​P,C​រឺ​គ្មាន​P,C​នោះឡើយ ​។​

​តាម​ប្រភព​ព័​ត៌មាន ​ពី​ប្រជាពលរដ្ឋ បាន​ប្រាប់ថា៖ ​សកម្មភាព រថយន្ត​ធំៗ​ដឹកឈើ ទាំងយប់​ទាំង​ថ្ងែ បាន​បំផ្លាញ​ផ្លូវ យ៉ាងធ្ងន់ធ្ងរ បើ​ខែ វស្សា​វិញ បែក​ភក់ រីឯ​ខែប្រាំង​វិញ គឺដី​ហុយ​ទ្រលោម​ ។​

​មេការ​ក្រុមហ៊ុន ឈ្មោះ ​ប៊ិន បាន​ប្រាប់​អ្នកយកព័ត៌មាន​ថា ! អ្នកព័ត៌មាន គ្នាន​សិទ្ធ​មើល​P,C​នោះទេ បើ​លោក​ចង់​មើល ទៅ​ កន្លែង​រដ្ឋបាល ព្រៃឈើ​ទៅ​ រួចបានប្រាប់ទៀតថា ! ​​ លោក​ឈប់​ធ្វើការ ជា​មេការ​០២ ​ទៅ០​៣​ខែ​ ហើយ ​។​

​ប្រភពនិយាយថា៖ ​ក្រុមហ៊ុន​៩៥​ ឬ ​សេង គាង ​នេះ​បាន​ដឹកឈើ​ចេញពី​តំបន់​ព្រៃ​ឡង់​ដោយ​ឆ្លងកាត់​តំបន់​អូរ​ងាវ ស្រុក​ចាស់ ៩៩ ​ឆ្ពោះ​មក​ផ្សារ​ទំរីង​ហើយ​ចូលទៅ​រោងចក្រ​កែច្នៃ​ជ័រកៅស៊ូ​រួច​ទើប​បន្ត​ដឹក​ចេញពី​រោងចក្រ​កែច្នៃ​ជ័រកៅស៊ូ​នេះ​ឆ្ពោះ​ចូលទៅ​ខេត្តកំពង់ចាម​និង​ឆ្ពោះទៅ​កន្លែង​ផ្សេងៗ​ទៀត​ដែល​ពួកគេ​ត្រូវការ ដោយ​ដឹក​ឆ្លងកាត់​ផ្សារ​ទំរីង​ចំនុច​៤៤​អូរកំពប់អំបិល​បាក់​ស្នា​ផ្សារ​ក្រ​វា ចំនុច ​១០២​រួច​ឆ្ពោះទៅ​ ខេត្តកំពង់ចាម​តែម្តង​​សកម្មភាព​នេះ​ពួកគេ​ធ្វើឡើង​ទាំ​រដូវប្រាំង​និង​រដូវវស្សា ​៕​