BT-NEWS.COM បុណ្យអុំទូក បណ្តែតប្រទីប និង សំពះព្រះខែ អកអំបុក 

នៅលើទឹកដីប្រវត្តិសាស្ត្រ

ចូលមើល វេបសាយតាមរយៈ ! bt-news.com
ចាងហ្វាងការផ្សាយតាមរយៈ ! ០៩៧ ២២៤៧ ៥៧៧ / ០៧៧ ៨៦៥ ៥០០

ខេត្តសៀមរាប៖  រយៈពេល០២ថ្ងៃចាប់ ពីថ្ងៃទី១៣ និង១៤ ខែវិច្ឆិកា ឆ្នាំ២០១៦ នេះ នៅដងស្ទឹងប្រវត្តិសាស្ត្រអង្គរ-ខេត្តសៀមរាប !  ធ្វើការប្រកួតប្រណាំងទូកង ដើមី្ប អបអរសាទរ ព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក ដែលជាបុណ្យប្រពៃណីយ៍ តាំងពីដូនតាតរៀងមក ។

ទូក ង ឆ្នាំ ២០១៦នេះ មានទូកចូលរួមចំនួន ៣១ទូក ក្នុងនោះមានទូកនារី ០៦ទូក ដែលមានចំណុះ ២២នាក់ ! សរុបទាំងអស់ ៨៣៧នាក់  នារី ១៦២នាក់ ! ក្នុងនោះមាន ទូក(ង)នេះ មកពីបណ្តាខេត្តផ្សេង បានចូលរួមផងដែរ ។

ការរៀបចំព្រឹត្តិការណ៍វប្បធម៌នេះ ! ជាការឧទ្ទិសដល់អតីតកាលអធិរាជ នៃណាចក្រខ្មែរ ក្រោមព្រះរាជកិច្ច​ដឹកនាំរបស់​ព្រះបាទសម្តេចជ័យវរ័ន្មទី៧ ព្រះមហាវីរក្សត្រជំនាន់នោះ ដែលព្រះអង្គទ្រង់​បានដឹកនាំកងទ័ពជើងទឹកដ៏ក្លាហាន ប្រកបដោយវីរៈភាពអង់អាច និង ​ពោរពេញដោយសមត្ថភាពប្រយុទ្ធ បានរំដោះជាតិមាតុភូមិ ចេញផុតពីការ​ឈ្លានពាន របស់បច្ចាមិត្ត ហើយសម្រេចបាននូវការបង្រួបបង្រួមជាតិ និង​ កសាងសង្គមជាតិ ឲ្យរីក ចម្រើនថ្កុំថ្កើងរហូតដល់ក្លាយជាអាច្ឆរយៈប្រទេសដ៏កំពូលនាសម័យនោះ ។

និងជាពិសេស រៀបចំធ្វើឡើងដើម្បី ទាក់ទាញភ្ញៀវទេសចរណ៍ជាតិ អន្តរជាតិទស្សនា កម្សាន្ត  ! ព្រោះខេត្តសៀមរាប កំពុងតែទទួលបាននូវកិត្តិនាម ដ៏ល្បីខ្ទរខ្ទារនៅលើ ពិភព លោក ដែលជាគោលដៅរបស់ភ្ញៀវទេសចរ លើពិភពលោក  ចូលមកទស្សនាកម្សាន្ត ៕