BT-NEWS.COM  អាវរងារការពារ រដូវត្រជាក់ របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ត្រូវបាននាំយកទៅចែកជូនដល់ វីរៈកងទ័ព និងនគរបាលគោក ការពារព្រំដែននៅ សមរភូមិមុខ

ចូលមើល វេបសាយតាមរយៈ ! bt-news.com
ចាងហ្វាងការផ្សាយតាមរយៈ ! ០៩៧ ២២៤៧ ៥៧៧ / ០៧៧ ៨៦៥ ៥០០

ខេត្តឧត្តរមានជ័យ៖ អាវរងារ ការពាររដូវត្រជាក់ បាននាំយកទៅចែកជូនដល់កងទ័ព និងនគរបាលការពារព្រំដែនគោក កម្ពុជា-ថៃ ! ដែលឈរជើង សមរភូមិមុខទិសទី២  ស្ថិតក្នុងភូមិសាស្រ្ត ស្រុកអន្លង់វែង ​ខេត្ត ឧត្តរមានជ័យ នៃយោធភូមិភាគទី៤ ដែលជា អំណោយដ៏ថ្លាថ្លៃរបស់​សម្តេច​តេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រ កម្ពុជា និងសម្តេចកិត្តិ​ព្រឹទ្ធ​បណ្ឌិត ! ប្រគល់​ជូនដោយផ្ទាល់ដៃ តាមរយៈ ! ឧត្តមសេនីយ៍ ឯក ហ៊ុន ម៉ាណែត  ជាតំណាងដ៏ខ្ពង់ខ្ពស់ ​​រួមដំណើរ​ ដោយនាយឧត្តមសេនីយ៍ គីម ប៊ុនថាន  អគ្គមេបញ្ជាការរង​នៃកងយោធ​ពលខេមរភូមិន្ទ នាយឧត្តមសេនីយ៍ ខេង សុមេធ អគ្គស្នងការរងនគរបាលជាតិ ទទួល​បន្ទុក យោធភូមិភាគទី៤ និង​ភូមិភាគទី៥ ព្រមទាំង ​មន្រ្តីយោធា​ជាន់ខ្ពស់​ នៃ​ក្រ​សួងការពារជាតិជាច្រើនរូបទៀតផងដែរ ! នៅទីបញ្ជាការ​កង​ពល​តូចថ្មើរជើងលេខ៤១ នារាសៀល ថ្ងៃទី១១ ខែវិច្ឆិកា ឆ្នាំ២០១៦ ។

ឯកឧត្តមបណ្ឌិត ហ៊ុន ម៉ាណែត  បានមានប្រសាសន៍​ពាំនាំការផ្តាំផ្ញើរ សេចក្តីនឹងរលឹក ពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិត  ដល់វីរៈជនដែលកំពុងបំពេញ​បេស​សកម្ម នៅព្រំដែនថា៖ ក្នុងរយពេលមួយឆ្នាំ យើងបានជួបសំណេះសំណាលគ្នាចំនួនពីរ​ដង​ នៅរដូវភ្លៀងធ្លាក់ សម្តេចបានបញ្ជូនអាវភ្លៀង និង​រដូវរងារបាន​បញ្ជូន​អាវរងារ  ដែល ស្តែង ចេញពីការ គិតគូយក​ចិត្ត​ទុកដាក់​ពីសំណាក់​សម្តេចតេជោទាំងពីរ  ដល់កងទ័ពនៅសមរភូមិមុខគ្រប់វេលា។

ឯកឧត្តមបានបន្តថា៖ ក្រៅពីនោះសម្តេច ក៏បានផ្តល់​ថវិកា បន្ថែមសំរាប់​ការហូបចុក សំរាប់ហ្វឹកហ្វឺន និង​សំភារៈ​ផ្សេងៗទៀត ដល់កងទ័ពយើង បានប្រើប្រាស់ ​នូវ​គ្រប់ខែ​គ្រប់វដូវជានិច្ច ជាហេតុធ្វើឱ្យអង្គភាពយោធា និងនគរបាលគោក នៅ​តាម​បន្ទាត់​​ព្រំដែនមានការរីកចំរើន លើធនធានមនុស្ស​ ក្នុងវិស័យ​ទាំងពីរ ។

ក្នុងឱកាសនោះដែរ ឯកឧត្តម ! ក៏បានកោតសសើរដល់វីរៈយុទ្ធជន យើង ដែលបានតស៊ូ ប្រយុទ្ធជាមួយសត្រូវ និងបាន​បូជា​ឈាម​ស្រស់ សាច់ស្រស់ ក្នុងព្រឹត្តិការណ៍​ព្រំដែន​កម្ពុជា-ថៃ ប្រាសាទព្រះវិហារ ។ ហើយតំបន់អន្លង់វែង ជាសមរ​ភូមិចុង​ក្រោយ នៃសង្គ្រាម កម្ពុជា តែក្រោមការដឹកនាំរបស់សម្តេចតេជោ ហ៊ុន សែន  រាជរដ្ឋាភិបាលកម្ពុជា បាន​បង្រួប​​បង្រួមឡើងវិញ និងបានផ្លាស់ប្តូរ តំបន់ព្រំដែន ដែលជាចំណុចក្តៅ ឱ្យប្រែក្លាយ ទៅ ជាតំបន់សេដ្ឋកិច្ច ឱ្យមាន​ការនាំ​ចេញ នាំចូលទំនិញ និងមានទំនាក់ទំនង ល្អជាមួយប្រទេសជិតខាងដែលមានភូមិផងរបងជាប់គ្នា ។

ឯកឧត្តមបណ្ឌិតបានបញ្ជាក់ថា សម្តេចតេជោ និងសម្តេចកិត្តិព្រឹទ្ធបណ្ឌិត បានប្រើពេល វេលាស្ទើរមួយជីវិត​  ! រំដោះប្រទេសកម្ពុជាទាំងមូល និងលើកិច្ចការ កសាងអភិ​វឌ្ឍន៍​​​ប្រទេស ឱ្យរីកចំរើន រួមមានហេដ្ឋារចនាសម្ព័ន្ធ​ ដែលយើងបានឃើញនូ​វ​សមទ្ធិផលដែល កើតមានលើគ្រប់វិស័យ និងកំពុងតែល្បីល្បាញ លើឆាកអន្តរជាតិទៀតដែរ ៕