Bt-news.com និង bt-newsdaily.blogspot.com ការដ្ឋានផ្លូវចាក់ក្រាលបេតុង(កោះខ្យង)ចម្ងាយ ៧.៣០០ម៉ែត្រ អំណោយសម្តេចតេជោ ហ៊ុន សែន កំពុងធ្វើដំណើរ ឆ្ពោះទៅរកជោគជ័យបញ្ចប់ផែនការរបស់ខ្លួន ជាមួយនឹងការអបអរសាទរ ចូលរួមដោយអាជ្ញាធរដែនដីនិងប្រជាពលរដ្ឋ !
ចូលមើលតាមរយៈ bt-newsdaily.blogspot.com
ចូលមើលវេបសាយតាមរយៈ bt-news.com 
ចាងហ្វាងកាផ្សាយតាមរយៈ ០៩៧ ២២៤៧ ៥៧៧ / ០៧៧ ៨៦៥ ៥០០

ខេត្តព្រះសីហនុ៖  ការដ្ឋានស្ថាបនាផ្លូវចាក់ក្រាលបេតុងចម្ងាយ ៧.៣០០ម៉ែត្រ ទទឹង ៧ម៉ែត្រ រួមទាំងមានការបំពាក់សំណង់សិល្បការ ( លូរំដោះទឹកកាត់ទទឹងផ្លូវ ប្រឡាយអមសងខាងផ្លូវ ) ជាដើម  ចាប់ពីផ្លូវជាតិលេខ៤ ចំណុចភូមិអូរចំណារ ឃុំអូរឧកញ៉ាហេង  ឆ្លងកាត់ឃុំបឹងតាព្រហ្ម  ឆ្ពោះទៅភូមិកោះខ្យង ឃុំអូរជ្រៅ ក្នុងភូមិសាស្រ្តស្រុកព្រៃនប់ ខេត្តព្រះសីហនុ បានដំណើរការអស់រយៈពេល ២ខែ និង ៤ថ្ងៃហើយ   បន្ទាប់ពីបានបើកការដ្ឋានជាផ្លូវការ កាលពីថ្ងៃទី១៩ ខែមករា ឆ្នាំ២០១៧ កន្លងទៅ  ។

     ផ្លូវបេតុងដែលកំពុងស្ថាបនានេះ គឺជាអំណោយដ៏ថ្លៃថ្លានៃសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា  ! នាយឧត្តមសេនីយ ខេង សុមេធ មេបញ្ចាការកងវិស្វកម្មតេជោ ហ៊ុន​សែន​សៀមរាប  ដែលបានទទួលបទបញ្ជាផ្ទាល់  បំពេញប្រតិបត្តិការស្ថាបនាផ្លូវបេតុងនេះ បញ្ជាក់ឲ្យដឹងនាថ្ងៃទី២៣មិនា នៅការដ្ឋាននោះថា  ផែនការដាក់ចេញដោយសម្តេចតេជោ ផ្លូវបេតុងចម្ងាយ ៧.៣០០ម៉ែត្រ  នឹងត្រូវសម្រេចឲ្យបានរួចរាល់ជាស្ថាពរក្នុងរយៈពេល៣ខែ ។ លោកបន្តថា  បើយោងតាមមូលដ្ឋានសម្ភារៈ គ្រឿងចក្រ និងកងកម្លាំងជំនាញដែលកំពុងវត្តមានប្រតិបត្តិការនៅលើការដ្ឋានមួយនេះ  ផែនការសម្តេចតេជោ នឹងត្រូវសម្រេចជាស្ថាពរ នៅវេលាមុនចូលឆ្នាំប្រពៃណីជាតិខាងមុខ បើសិនជាគ្នានការរំខានធ្ងន់ធ្ងរ ដោយភ្លៀងធ្លាក់នោះ ។

    នាយ  ខេង សុមេធ ឲ្យដឹងដែរថា ៖  ប្រជាពលរដ្ឋឃុំអូរឧកញ៉ាហេង ឃុំបឹងតាព្រហ្ម និងឃុំអូរជ្រៅ ស្រុកព្រៃនប់ ខេត្តព្រះសីហនុ មានក្តីរំពឹងទុកថា  ក្រោយពីផ្លូវចាក់ក្រាលបេតុង ដែលជាអំណោយដ៏ថ្លៃថ្លា នៃសម្តេចតេជោ  ត្រូវបានស្ថាបនារួច ការប្រឈម រដូវប្រាំងដីហុយ  រដូវវស្សាទឹកលិច នឹងត្រូវបានដោះស្រាយ ។ អាស្រ័យលើផលប្រយោជន៍ ចេញពីការប្រើប្រាស់ផ្លូវនេះ ជីវភាពរបស់ប្រជាពលរដ្ឋ នឹងបានកាន់តែប្រសើរឡើង ។

       ប្រជាពលរដ្ឋនៃឃុំទាំង៣ មានប្រមាណជា ជាង ៤០០០គ្រួសារ  ក្នុងនោះជាអ្នកនេសាទសមុទ្រ ជាកសិករ និងជាអ្នកដែលមានមុខរបរលក់ដូរផងដែរ ។  ប្រជាពលរដ្ឋនៃមូលដ្ឋានឃុំទាំង៣នេះប្រមាណជា ៣០%  គឺជាចំនួននៃការរស់នៅរបស់បងប្អូនខ្មែរឥស្លាម ។  យុទ្ធសាស្ត្រដ៏សំខាន់របស់ផ្លូវមួយខ្សែនេះ គឺការដឹកជញ្ជូនផលនេសាទពីតំបន់សមុទ្រទៅកាន់ទីផ្សារ  និងដឹកជញ្ជូនភោគផលកសិកម្ម  ។ អាជ្ញាធរមូលដ្ឋានក៏បានឲ្យដឹងដែរថា បច្ចុប្បន្ននេះ ការធ្វើដំណើររបស់សិស្សានុសិស្សទៅកាន់សាលារៀន ការធ្វើដំណើររបស់ កម្មករ កម្មការិនីទៅរោងចក្រ កាន់តែច្រើនឡើង ។ ភ្ញៀវទេសចរជាតិ-អន្តរជាតិ ក៏មានការធ្វើដំណើរតាមផ្លូវនេះផងដែរ ដើម្បីទៅទស្សនានិងកំសាន្តនៅតំបន់កោះ ( រមណីដ្ឋានធម្មជាតិ ) ។ 

       ជាមួយនឹងការស្ថាបនាផ្លូវបេតុង១ខ្សែនេះ គេសង្កេតឃើញថា  អាជ្ញាធរដែនដី និងប្រជាពលរដ្ឋបានចូលរួមសហការយ៉ាងល្អប្រសើរ លើដំណោះស្រាយផលប៉ះពាល់ ដោយការស្ម័គ្រចិត្ត ៕