Bt-news.com និង bt newsdaily.blogspot.com ជិៈកង់សាមគ្គីរួមមិត្តឆ្ពោះទៅកាន់ ព្រឹត្តិកាណ៍ អង្គរសង្ក្រាន្តឆ្នាំ២០១៧ ក្រោមប្រធានបទ “អង្គរសង្រ្កាន្តជារបស់យើងទាំងអស់គ្នា”

ចូលមើលតាមរយៈ bt-newsdaily.blogspot.com
ចូលមើលវេបសាយតាមរយៈ bt-news.com
ចាងហ្វាងកាផ្សាយតាមរយៈ ០៩៧ ២២៤៧ ៥៧៧ / ០៧៧ ៨៦៥ ៥០០

ខេត្តសៀមរាប៖  នៅព្រឹកថ្ងៃទី១៧ ខែមីនា ឆ្នាំ២០១៧ នេះ ក្រុមការងារទំនាក់ទំនងសាធារណៈនៃព្រឹត្តិការណ៍អង្គរសង្រ្កាន្ត រួមជាមួយនឹងថ្នាក់ដឹកនាំ និងយុវជនស្ម័គ្រចិត្តសហភាពសហព័ន្ធយុវជនកម្ពុជា ខេត្ត​សៀមរាប មន្រ្តីអាជ្ញាធរជាតិអប្សរា មន្រ្តីរាជការ និងនិស្សិតមកពីបណ្តាសាកលវិទ្យាល័យនានាក្នុងខេត្តប្រមាណ ១៦០ នាក់ ​បានមកជួបជុំគ្នានៅខាងមុខព្រះអង្គចេក ព្រះអង្គចម រួមគ្នាជិះកង់ឆ្ពោះទៅទីលានមុខប្រាសាទអង្គរវត្ត ដើម្បីបង្កើនការ​ផ្សព្វផ្សាយ​ពីព្រឹត្តិការណ៍អង្គរសង្ក្រាន្តឆ្នាំ២០១៧ ឲ្យកាន់តែមានភាពទូលំទូ​លាយក្នុងចំណោមហាជនជាតិ និងអន្តរជាតិ ។
 

អ្នក​​​ជិះ​​​កង់ដែលពាក់អាវពណ៌ទឹកក្រូចស្រស់​ និងមានភ្ជាប់ជាមួយសារសរសេរថា “អង្គរសង្រ្កាន្តជារបស់​យើងទាំងអស់គ្នា” និង “ប្រាំឆ្នាំនៃភាពអស្ចារ្យ” បានជិះកង់ជាជួរតាមលំអាន ដែលកង់នីមួយៗមានចងភ្ជាប់ជាមួយនឹងប៉ោងៗចម្រុះពណ៌នៅរានកង់ប៉ែកខាងក្រោយ ។ ក្នុងដំណើរមកដល់មុខប្រាសាទអង្គរវត្ត ​អ្នកជិះកង់បានប្រមូលផ្តុំគ្នាឈរជាជួរដើម្បីផ្គុំចេញជាលេខ ៥ ដើម្បីជាការអបអរសាទរខួប ៥ ឆ្នាំនៃការប្រារព្ធព្រឹត្តិការណ៍អង្គរសង្ក្រាន្ត (២០១៣-២០១៧) និងបានបិទបញ្ចប់ព្រឹត្តិការណ៍ជិះកង់នេះដោយការថតរូបជុំគ្នា ជាមួយនឹងការស្រែកកញ្ជៀវនូវឃ្លា អង្គរសង្រ្កាន្តជារបស់យើងទាំងអស់គ្នា ។

ឆ្នាំនេះ យុទ្ធនាការជិៈកង់សាមគ្គីរួមមិត្តឆ្ពោះទៅកាន់ព្រឹត្តិកាណ៍អង្គរសង្ក្រាន្ត​​ ត្រូវបានប្រារព្វឡើង​ក្រោមប្រធានបទ “អង្គរសង្ក្រាន្ដ​ជារបស់យើងទាំងអស់គ្នា”  ។
បើតាម​ លោក សោម រតនា ប្រធានក្រុមការងារទំនាក់ទំនងសាធារណៈនៃព្រឹត្តិការណ៍បានឲ្យដឹងថា​ ប្រធានបទនេះនឹងមិនត្រឹមតែអាចជួយជំរុញ​​ឲ្យមាននូវ​ការចូលរួមបន្ថែមពីប្រជាពលរដ្ឋយើងប៉ុណ្ណោះទេ  ប៉ុន្តែថែមទាំងចង់ឲ្យប្រជាពលរដ្ឋយើងទាំងអស់យល់ថា ព្រឹត្តិ​​ការណ៍​អង្គរសង្រ្កាន្តជាព្រឹត្តិការណ៍របស់ជនជាតិខ្មែរគ្រប់ៗរូប នឹង​ឲ្យពួកគាត់បន្តចូលរួមថែ​រក្សា ការពារ និងអភិវឌ្ឍព្រឹត្តិការណ៍នេះឲ្យកាន់តែមានភាពទាក់ទាញពីមួយឆ្នាំទៅមួយឆ្នាំ។

សូមរម្លឹកថា សហភាពសហព័ន្ធយុវជនកម្ពុជាត្រៀមរៀបចំព្រឹត្តិការណ៍អង្គរសង្ក្រាន្តឆ្នាំ២០១៧ នេះឡើង ក៏ដោយផ្អែកលើភាពជោគជ័យដ៏ត្រចះត្រចង់ នៃព្រឹត្តិការណ៍នេះនា៤ឆ្នាំកន្លងទៅ ដោយពីមួយឆ្នាំទៅមួយឆ្នាំព្រឹត្តិការណ៍អង្គរសង្រ្កាន្តកាន់តែទទួលបានការគាំទ្រអំពីសំណាក់ភ្ញៀវជាតិ និងអន្តរជាតិ  ៕