Bt-news.com និង bt-newsdaily.blogspot.com កម្លាំង​ចម្រុះ​ ឆែកឆេរ​ភូមិគ្រឹះ​លោក​វរសេនីយ៍​ទោ ឆេង ឡុង នាយ​រង​សេនាធិការ ​ប៉េអឹម​ខេត្ត​

ចូលមើលតាមរយៈ bt-newsdaily.blogspot.com
ចូលមើលវេបសាយតាមរយៈ bt-news.com
ចាងហ្វាងកាផ្សាយតាមរយៈ ០៩៧ ២២៤៧ ៥៧៧ / ០៧៧ ៨៦៥ ៥០០

កំពង់ស្ពឺ​ ៖ ​លោក អ៊ូ ផា ព្រះរាជ អាជ្ញា​រង អម​សាលាដំបូង ​បានកម្លាំង​សមត្ថកិច្ច​ចម្រុះ ​ចុះ​ប្រតិបត្តិការ​​ឆែកឆេរ​ក្នុង​ឃ្លាំង​ក្នុង​ភូមិគ្រឹះ​លោក​វរសេនីយ៍​ទោ ឆេង ឡុង មាន​តួនាទី​នាយរង​សេនាធិការ កងរាជអាវុធហត្ថ ខេត្តកំពង់ស្ពឺ​ ​ កាលពី​វេលា​ម៉ោង០៩​ព្រឹក ថ្ងៃទី​១២ ខែ​មីនា ឆ្នាំ​២០១៧ ម្សិលមិញ ស្ថិត​ជាប់​ផ្លូវជាតិ​លេខ​៤ ក្នុង​ភូមិ​ផ្សារ​សាមគ្គី​(​ផ្សារ​វត្ត​ចំណា​) សង្កាត់​កណ្ដោលដុំ ក្រុង​ច្បារមន ខេត្ត​កំពង់ស្ពឺ ដោយរក​ឃើញ​វត្ថុ​តាង​រថយន្ត ​ជា​មធ្យោបាយ​សម្រាប់​ដឹកជញ្ជូន​បទល្មើស​ព្រៃឈើ​ចំនួន០៥​គ្រឿង និង​សម្ភារៈ ដែល​​ពាក់ព័ន្ធ​មួយ​ចំនួន​ទៀត ។

ប្រភពឲ្យដឹងថា៖ ការ​ឆែកឆេរ​រក​ឃើញ​រថយន្ត​ឃ្លុប​ដឹកទំនិញ ០៣​គ្រឿង​មាន ១​គ្រឿង​សល់​ឈើ​ធ្នង់០​៥​ដុំ ២​គ្រឿង​មានតែ​កម្ទេច​ឈើ រថយន្ត​ស្ទូច ០១​គ្រឿង កន្ទុយ​រ៉ឺម៉ក​មួយ ០១​គ្រឿង​ទៀត​ រថយន្ត​យី​ឌុប​សុទ្ធតែ​ជា​មធ្យោបាយ​ដឹកជញ្ជូន​បទល្មើស​ព្រៃឈើ​ទាំងអស់ ! ក្នុង​នោះ​មាន​ឈើ​រាជ​កុល ០២​ដុំ និង​ឈើ​អារ​ជាច្រើន​ទៀត ប៉ុន្តែ ត្រូវបាន​អ្នក​ចាំ​ឃ្លាំង​អះអាង​ជា​ច្បាប់​ចាស់​ដែល​នៅ​សេសសល់ ​ហើយ​វត្ថុតាង​ទាំងនោះ​មិនទាន់​ដឹងថា ក្រុម​សមត្ថកិច្ច​ចម្រុះ​គិត​គូរ​យ៉ាងម៉េច​នោះទេ ដោយ​ម្នាក់!​រុញ​ដាក់គ្នា​ទៅវិញទៅមក​ ខាង​ប៉េអឹម​ផ្ទៃ​ប្រទេស​ប្រគល់​ទៅ​មេព្រៃ​ចាត់ចែង តែ មេព្រៃ​រុញ​ទៅ​ឲ្យ​ព្រះរាជអាជ្ញា ​វា​ហាក់បីដូចជា​គ្មាន​អ្នក​ទទួលខុសត្រូវ​ច្បាស់លាស់​ទាល់តែសោះ ។

លោក​ឧ​ត្ត​ម​សេនីយ៍​ត្រី ស៊ុន សាមឿន កងរាជអាវុធហត្ថ​ខេត្តកំពង់ស្ពឺ​និយាយថា៖ ករណី​ខាងលើ​ជា​បទល្មើស​ជាក់ស្តែង​ ដែល​កម្លាំង​របស់​លោក​​ដេញ​តាម​ប្រផាប់​ប្រ​ភីង​រថយន្ត​ដឹក​ឈើ ចំនួន ០២​គ្រឿង​ចេញពី​ទឹកដី​ខេត្តពោធិ៍សាត់ ឆ្លងកាត់​ខេត្ត​កំពង់ឆ្នាំង​តាម​ផ្លូវ​អម​លាំង​មក​ក្រុង​ច្បារមន ក្នុង​នោះ​កម្លាំង​អាវុធហត្ថ​បង្ក្រាបបាន ០១​គ្រឿង ម៉ាក​ហ៊ីយ៉ាន់​ដាយ ពណ៌​ស ពាក់​ស្លាក​លេខ ភ្នំពេញ ​3A-9126 ដល់​មុខ​ផ្ទះ​ ក៏​ខូច​ចូល​ឃ្លាំង​មិន​ទាន់​ មាន​ផ្ទុក​ឈើ​ម្រេញ និង​ធ្នង់​ពេញ​ទ្រុង ភ្លាមៗ​នោះ​ម្ចាស់ផ្ទះ​និង​អ្នកបើកបរ​បាន​រត់គេច​ខ្លួន​បាត់ ។
លោក​បន្តថា៖ ករណី​​នេះ​ កម្លាំង​អាវុធហត្ថ​លើ​ផ្ទៃ​ប្រទេស​បាន​សហការ​ជាមួយ​សមត្ថកិច្ច​ខេត្តកំពង់ស្ពឺ និង​មានការ​សម្របសម្រួល​ពី​លោក​ព្រះរាជអាជ្ញា​ដើម្បី​ធ្វើការ​ឆែកឆេរ​ក្មុង​ឃ្លាំង និង​ភូមិគ្រឹះ​បន្ត​នីតិ​វិធី ​រួច​ប្រគល់​ជួន​ខាង​ជំនាញ​រដ្ឋ​ព្រៃឈើ​ចាត់ការ​បន្ត ។

លោក​ចេង រដ្ឋា នាយផ្នែក​រដ្ឋបាល ព្រៃឈើ​កំពង់ស្ពឺ​និយាយថា៖ ករណី​ឆែកឆេរ​ឃ្លាំង​របស់លោក​ឆេង ឡុង​នេះ បើ​ព្រះរាជអាជ្ញា​បញ្ជា​ឲ្យ​ប្រមូល​វត្ថុតាង​​ពាក់ព័ន្ធ ​កម្លាំង​ជំនាញ​យក​ភ្លាម ប៉ុន្តែ​ត្រូវ​មាន​ការទទួលខុសត្រូវ​ដូច្នេះ​សុំ​ឲ្យ​ឧ​ត្ត​ម​សេនីយ៍​ត្រី​ ស៊ុន សាមឿន ត្រូវ​ជជែក​ជាមួយ​ព្រះរាជអាជ្ញា​ឲ្យ​ច្បាស់លាស់​ខាង​ជំនាញ​ នឹង​អនុវត្តន៍​តែម្តង ។

លោក​វរសេនីយ៍ឯក ចាន់ ដា មេ​បញ្ជារង នាយសេនាធិការ កងរាជអាវុធហត្ថ ខេត្តកំពង់ស្ពឺ ប្រាប់ថា ករណី​ឆែក​ផ្ទះ​លោក​ឆេង ឡុង មន្ត្រី​អាវុធហត្ថ​ខេត្ត​នេះ​មិនទាន់​ដឹង​ត្រូវ​ចាត់ការ​យ៉ាងណា​នោះទេ​ព្រោះ​ខាង​ផ្ទៃ​ប្រទេស​ជា​អ្នក​បង្ក្រាប ។ ចំណែក​រថយន្ត ០១​គ្រឿង​ទៀត​ដែល​អាវុធហត្ថ​ខេត្តកំពង់ស្ពឺ​បង្ក្រាបបាន​តាមផ្លូវ​ភ្នំ​ជាល ម៉ាក​ហ៊ីយ៉ានដាយ ព​ណ៌​ស ចំណុះ ០៥​តោន ពាក់​ស្លាក​លេខ ភ្នំពេញ​3C.9511​ឃាត់ខ្លួន​អ្នកបើកបរ ០១​នាក់​បញ្ជូន​ទៅ​រក្សាទុក​នៅ​បញ្ជាការដ្ឋាន​អាវុធហត្ថ ខេត្តកំពង់ស្ពឺ​រង់ចាំ​ត្រួតពិនិត្យ​ប្រគល់​ឲ្យ​មេព្រៃ ។

អ្នកបើកបរ​រថយន្ត​ដែល​ឃាត់ខ្លួន​មានឈ្មោះ យឹម សុខ​ភារ​ម្យ ភេទ​ប្រុស អាយុ ៣២​ឆ្នាំ មុខរបរ​បើកបរ មាន​ទីលំនៅ​ភូមិ​ស្វាយ​រមៀត ឃុំ​ស្វាយ​រមៀត ស្រុក​ខ្សាច់កណ្ដាល ​ខេត្តកណ្តាល ដែល​បាន​ដឹកជញ្ជូន​ឈើ​ធ្នង់ ម្រេញ​ចេញពី​ផ្ទះ​លោក​ ឆេង ឡុង មន្ត្រី​ប៉េអឹម​ខេត្ត​នៅ​ភូមិ​ផ្សារ​សាមគ្គី សង្កាត់​កណ្តោល​ដុំ ក្រុង​ច្បារមន ត្រូវ​ឃាត់​ជាប់​ត្រង់ចំណុច​ភូមិ​ស្គុះ សង្កាត់​ស្វាយ​ក្រ​វ៉ាន់​ ក្រុង​ច្បារមន។​ លោក​អ៊ូ ផាត​ព្រះរាជអាជ្ញារង សាលាដំបូង ខេត្តកំពង់ស្ពឺ បញ្ជាក់ថា ករណី​នេះ ​កម្លាំង​សមត្ថកិច្ច​ចម្រុះ​កំពុងតែ​ចំណាត់ការ​នីតិ​វិធី​រង់ចាំ​ការ​បូកសរុប​លទ្ធផល​ត្រូវយក​អ្វីខ្លះ ។

សូម​បញ្ជាក់​ថា ការ​ឆែកឆេរ​ឃ្លាំង និង​ផ្ទះ​លោក​ឆេង ឡុង​នោះគេ​សង្កេតឃើញ​មាន​រថយន្ត ៥​គ្រឿង ឃ្លុប​ ៣ គ្រឿង ស្ទូច ១​គ្រឿង យី​ឌុប ១​គ្រឿង និង​កន្ទុយ​រ៉ឺម៉ក​ធន់​យក្ស ១ ឈើ​អាត ចម្រុះ​ជាច្រើន​ព្រមទាំង​មាន​ រណា​យន្ត ប្រភេទ​រ៉ៃ​តូចធំ​មួយចំនួនទៀត ប៉ុន្តែ​ដោះ​ទុកចោល​សុទ្ធតែ​ជ​មធ្យោបាយ​កាប់បំផ្លាញ​ព្រៃឈើ និង​សម្រាប់ ដឹក ជញ្ជូន​ឈើ​យក​ទៅលក់​នៅ​ប្រទេស​វៀតណាម​មហាជន​រង់ចាំ​មើល​កម្លាំង​ចម្រុះ​ចាត់ការ​យ៉ាងម៉េច​ទៀត​ជុំវិញ​ករណី​ខាងលើនេះ ប៉ុន្តែ​ជាក់ស្តែង​កម្លាំងចម្រុះ​ដូចជា​មានការ​រុញ​ដាក់គ្នា​អាចមាន​ការ​អន្តរាគមន៍​ពី​ខាង​អ្នកមានអំណាច​ថ្នាក់លើ​ជាក់​ជាមិនខាន​ឡើយ ៕