Bt-news.com និង bt-newsdaily.blogspot.com ប្រតិភូឃុំកណ្តែក ស្រុកប្រាសាទបាគង ខេត្តសៀមរាប នាំការឧបត្ថម្ភ និងដឹកនាំសិស្សា នុស្សិស្ស ចុះសួរសុខទុក្ខកងទ័ព ទិស ហនុមាន ថ្មដូន

ចូលមើលតាមរយៈ bt-newsdaily.blogspot.com
ចូលមើលវេបសាយតាមរយៈ bt-news.com
ចាងហ្វាងកាផ្សាយតាមរយៈ ០៩៧ ២២៤៧ ៥៧៧ / ០៧៧ ៨៦៥ ៥០០

ខេត្តឧត្តរមានជ័យ៖ លោក ខាំ លឿ ប្រធានក្រុមប្រឹក្សាឃុំកណ្តែក ស្រុកប្រាសាទបាគង ខេត្ត សៀមរាប ដឹកនាំប្រតិភូមូលដ្ឋានឃុំ លោកគ្រូ អ្នកគ្រូ និង នាំស្បៀងអាហារមួយចំនួនធំ ចុះសួរ សុខទុក្ខ កងទ័ព ជាពិសេសដឹកនាំសិស្សានុសិស្ស វិទ្យាល័យ ហ៊ុន សែន ស្វាយធំ ប្រមាណជា ២០០ នាក់ ចុះដកស្រង់​បទពិសោធន៍ និងឲ្យសិស្សានុសិស្សបានឃើញស្ថានភាពផ្ទាល់ ពី វីរៈយុទ្ធជន​ ដែលឈរជើងនៅ កងអនុសេនាធំទី២ ចំណុះឲ្យវរសេនាតូចកងរថក្រោះលេខ៦៥ នៃកងពល ធំអន្តរាគមលេខ២ ទិសទី៣ នៃយោធភូមិភាគទី៤ ការពារព្រំដែន កម្ពុជា-ថៃ ក្នុងភូមិសាស្រ្ត ថ្មដូន ស្រុក បន្ទាយអំពិល ខេត្តឧត្តរមានជ័យ
នៅព្រឹកថ្ងៃទី ១២ ខែមីនា ឆ្នាំ២០១៧  ។ 

បន្ទាប់ពីឡើងថ្លែងស្វាគមន៍យ៉ាងកក់ក្តៅចំពោះប្រតិភូ ឃុំកណ្តែក ស្រុកប្រាសាទ បាគង របស់លោកវរសេនីយ៍ឯក កែ លន់ មេបញ្ជាការវរសេនាតូចកងរថក្រោះលេខ៦៥ រួច​​មក លោក ខាំ លឿ  បានពាំនាំនូវប្រសាសន៍សម្តេចតេជោ ហ៊ុន សែន  បានជម្រុញគ្រប់ស្ថាប័ន នៅសមរភូមិក្រោយ ឲ្យយកចិត្តទុកដាក់ ផ្សារភ្ជាប់នូវកិច្ចសហប្រតិបត្តិការជាមួយសមរភូមិមុខ ព្រោះឃុំ កណ្តែក មិនទាន់ឈានដល់សម្ព័ន្ធមេត្រីភាពនោះទេ បានត្រឹមតែចុះសួរសុខទុក្ខ និងនាំមក ជាស្បៀងអាហារ ជាត្រីសាច់ បន្លែ ដែលជាធនធានផ្ទាល់ខ្លួន និងមានការចូល រួមបរិច្ចាកពី សប្បរសក្នុងឃុំមួយចំនួនផងដែរ ។
លោកមេឃុំបានកោតសរសើរ ចំពោះវីរភាពដ៏ អង់ អាច ក្លាហានរបស់នាយទាហាន ពលទា ហាន ​ដែល​បាន​ហ៊ាន លះបង់ ! ពាក់​លីជីវិត  តស៊ូប្រយុទ្ធ ដេញសត្រូវដែលឈ្លានពានទឹក​ដី នៃប្រទេស​កម្ពុជា​ក្នុង​កិច្ចការ​ពារជាតិ​មាតុ​ភូមិ កម្ពុជាឲ្យបានគង់វង្ស ស្ថិតស្ថេរតរៀងមក ។

លោកមេឃុំបានបន្ថែមថា៖ ក្នុងដំណើចុះសួរសុខទុក្ខកងទ័ពនេះលោកបាននាំសិស្សានុសិស្ស​មកសិក្សាស្វែងយល់ដោយផ្ទាល់ពី វីរៈយុទ្ធជនដែលឈរជើងការពារទឹកដី ដើម្បីឲ្យក្មួយ បាន សិក្សារៀនសូត្រ ព្រោះមានតែក្មួយៗនេះហើយដែលជាអ្នកបន្តវេន្ត ជំនួសមន្រ្តីដែលចូល និវត្តន៍ មិនថាស្ថាប័នយោធា ឫក៍ស្ថាប័នណានោះទេ នឹងពិសេសឲ្យពួកគេ​បានស្គាល់ ពីខ្សែរបន្ទាត់ព្រំដែន ព្រមទាំងប្រាសាទមួយចំនួនដែលជាសម្បត្តិ វប្បធម៌ខ្មែរ ។

នៅឱកាសនោះដែរឧត្តមសេនីយ៍ទោ ឈាន ឆន មេបញ្ជាររងកងពលធំអន្តរាគមលេខ២ និង ជាមេបញ្ជាការរងទិសទី៣ នៃយោធភូមិភាគទី៤ បានសំដែង នូវអំណរគុណប្រតិភូឃុំ កណ្តែក ស្រុកប្រាសាទបាគង ខេត្តសៀមរាប បាន​ឆ្លៀត ពេលវេលា ដ៍មានតំលៃ ចុះមក សួរសុខទុក្ខ  នាយទាហាន ! នាយទាហានរង ពលទាហាន និងនាំស្បៀង អាហារ  មួយ ចំនួន ធំ ដែលជា តម្រូវការ របស់កងទ័ពក្នុងការផ្គត់ផ្គង់ជា ប្រចាំនៅទិសមុខ ទោះបី បច្ចុប្បន្ន នៅតាមបណ្តា បន្ទាត់ព្រំដែនកម្ពុជា-ថៃ មាន សភាពស្ងប់​ស្ងាត់ ពិតមែន ក៍ប៉ុន្តែកំលាំង កងទ័ព របស់យើង ពុំដែលធ្វេសប្រហែសម្តងណាឡើយ គឺអង្គភាពបាន ត្រៀម នូវ​កម្លាំង ​ស្បៀងអាហារ បរិក្ខាសឹក នៅពេលមាន យថាហេតុ ណាមួយកើតឡើង ដើម្បីអន្តរា​គមន៍​ ឲ្យទាន់​ពេលវេលាក្នុង ភារកិច្ច​ការពារទឹកដីឲ្យ​បានរឹងមាំ ។  

អំណោយជាគ្រឿង ឧបភោគបរិភោគដែលប្រតិភូឃុំកណ្តែកនាំមករួមមាន៖ ភេជ្ជៈ ទឹកបរិសុទ្ធ សាច់ជ្រូក ៦០០គីឡូ ត្រីឆ្តោ ២០០គីឡូ ​ត្រី​កញ្ចុះ២០០គីឡូ ព្រមទាំងបន្លែគ្រប់មុខជាច្រើនទៀត និងថវិកាផងដែរ ៕