Bt-news.com និង bt-newsdaily.blogspot.com  ពលរដ្ឋ ម្នាក់ចេញមុខ បំភ្លឺរឿងចោទថា គម្រាមសំលាប់ អ្នកព័ត៌មាន

ចូលមើលតាមរយៈ bt-newsdaily.blogspot.com
ចូលមើលវេបសាយតាមរយៈ bt-news.com 
ចាងហ្វាងកាផ្សាយតាមរយៈ ០៩៧ ២២៤៧ ៥៧៧ / ០៧៧ ៨៦៥ ៥០០

ខេត្តឧត្តរមានជ័យ៖  លោក ប៉ាត វ៉ុន អាយុ ៣២ឆ្នាំ មានមុខជាជាងជួសជុលរថយន្ត រស់​នៅ​ភូមិអូរជញ្ជៀន ឃុំ-ស្រុកអន្លង់វែង ខេត្តឧត្តរមានជ័យ បាន​ចេញមុខសុំ​បំភ្លឺ​នៅថ្ងៃ​ទី១៥ ខែកុម្ភៈ ឆ្នាំ២០១៧ ពីការប្រកាន់ពីបទគម្រាមធ្វើ​ឃាតអ្នកព័ត៌មានចំនួន ០៤ នាក់ ដែល បាន ធ្វើការ​ផ្សព្វផ្សារតាមប្រព័ន្ធព័ត៌មានក្នុងស្រុក និងបណ្តាញ​សង្គម ហើយថែម ទាំង ចោទថា ! រូបគាត់ជាអ្នកញៀនថ្នាំ ធ្វើជាកម្មករស៊ីឈ្នួល បើ​រ​ថ​យន្ត​​ដឹកឈើគ្រញូង ឱ្យមន្រ្តី នគរបាលស្រុកអន្លង់វែង ម្នាក់​ឈ្មោះ  ម៉ៅ​ កាលពីពេលថ្មីៗនេះ ! ជារឿងមិនពិត ។

លោក ប៉ាត វ៉ុន បានរៀបរាប់ទៀតថា ! រូបគាត់មិនបានមានទំនាក់ទំនងអ្វីជាមួយលោក ឆាំ ឆាយ ហៅ ម៉ៅ ដូចការផ្សព្វផ្សាយ នាពេលកន្លងមកទេ !  ព្រោះគាត់ ជាជាងជួសជុល​រថយន្ត ដោយមិនមានពាក់ព័ន្ធអ្វីជាមួយបទល្មើសឈើគ្រញូង និងមិនបាន​ប្រើប្រាស់​ថ្នាំ​ញៀននោះដែរ ហើយរូបខ្លួន ក៏មិនបានទៅគម្រាមអ្វី ដល់អ្នកព័ត៌មានណានោះដែរ ។

លោកបានបញ្ជាក់ថា ! កាលពីថ្ងៃទី ០៩ខែ កុម្ភៈ ឆ្នាំ២០១៧ រូបខ្លួនបានទៅ​ធ្វើ​​ ឱ្យឡាន​ឱ្យ​គេ នៅភូមិអូរថ្ម ឃុំត្រពាំងប្រីយ៍ ស្រុកអន្លង់វែង ដោយមានការហូបចុកស្រាសរ បន្តិច​បន្តួច ហើយពេលត្រឡប់មកវិញ រូបខ្លួនមានស្ថានភាពស្រវឹង ក៏ឈប់រថយន្តដេក នៅក្បែរ​ផ្លូវ ស្រាប់ជួបអ្នកព័ត៌មានចំនួន ០៤នាក់ បានថតរថយន្តដែលខ្លួនកំពុងតែដេក ក្នុងនោះ ​មាន​ម្នាក់​ឈ្មោះ សាន រិន ដែលជាអ្នក​​ស្គាល់គ្នា ពេលខ្លួនបើរថយន្តបន្តចុះពីភ្នំដើម្បី​ត្រ​ឡប់​មកផ្ទះវិញ លោក សាន រិន ក៏បានតេទូស័ព្ទហៅ ទៅផឹក នៅផ្ទះជួលរបស់គេ នៅភូមិ​ថ្នល់​កែង ឃុំ-ស្រុកអន្លង់វែង ! លោកបានទិញស្រាបៀរ យកទៅផឹកជួបជុំ ជាក្រុម​អ្នក​ព័ត៌​មាន នៅពេលផឹកស៊ីក៏មានបានប៉ះពាក្យសំដីបន្តិចបន្តួចដែរ តែក្រោយមកក៏បានការ​ចាប់​​ដៃគ្នាជាធម្មតា ហើយខ្លួនក៏ត្រឡប់ទីផ្ទះរៀងៗខ្លួនវិញ ។

លោកបន្តថា ចំពោះការផ្សាយចោទថា ខ្លួនជាអ្នកញៀនថ្នាំ ក្រោយពីធ្វើការផ្សព្វ​ផ្សាយ ធ្វើឱ្យខ្លួនរស់នៅមិន​បានសុខ និងខកខានពេលវេលារកស៊ី ដោយសមត្ថកិច្ច និង​អាជ្ញាធរ ធ្វើការកោះ​ហៅសាកសួរបំភ្លឺ ហើយរូបខ្លួន ធានាអះអាងថា មិនបានពាក់ព័ន្ធ​នឹងគ្រឿង ញៀនទេ ព្រមទាំងប្រឈមមុខ ឱ្យសមត្ថកិច្ច ត្រួតពិនិត្យទឹកនោម និងឈាម ដើម្បីបញ្ជាក់ពីភាពស្អាតស្អំ ដូចនឹងការចោទប្រកាន់ កន្លងមក ។

លោក ឆាំ ឆាយ ហៅ ម៉ៅ មន្រ្តីនគរបាលស្រុកអន្លង់វែង បានបំភ្លឺតាមទូរស័ព្ទថា លោក​មិនមានពាក់ព័ន្ធនឹងបទល្មើសអ្វីទាំងអស់ និងមិនដែលស្គាល់ឈ្មោះ ប៉ាត វ៉ុន នោះដែរ ។

លោក ទូច វី អ្នកយកព័ត៌មានអប្សារាANN ក្នុងចំណោមក្រុមអ្នកព័ត៌មាន ០៤នាក់​ ដែលរង ការគំរាមសម្លាប់ ហើយត្រូវបានគេផ្សព្វផ្សាយតាមប្រព័ន្ធផ្សព្វផ្សាយផ្សេងៗក្នុង​ស្រុក បាន ប្រាប់ថា លោកមិនបានដឹងអ្វីទាំងអស់ ហើយក៏គ្មានអ្នកទៅគម្រាមលោកដែរ​៕