BT-NEWS.COM  គណៈប្រតិភូ ខេត្តសៀមរាប អញ្ជើញ ចូលរួមកិច្ចប្រជុំ​

ក្រុងទេសចរណ៍ ​នៃបណ្តាប្រទេស នៅតាមបណ្តោយ ទន្លេមេគង្គ នៅប្រទេសចិន

ខេត្តសៀមរាប៖ នៅព្រឹកថ្ងៃទី ២៤ ខែ តុលា ឆ្នាំ២០១៦នេះ ឯកឧត្តម ឃឹម ប៊ុនសុង  អភិបាល ខេត្តសៀមរាប បានដឹកនាំគណៈប្រតិភូខេត្ត ចំនួន​០៤រូប អញ្ជើញទៅចូលរួម ក្នុងវេទិកាកិច្ច សហប្រតិបត្តិការ ក្នុង ចំណោមទីក្រុងទេសចរណ៍ នៃបណ្តាប្រទេសនៅ តាមបណ្តោយ ទន្លេមេគង្គ ឡាងឆាង ក្រុងសានយ៉ា នៃសាធារណ​រដ្ឋប្រជាមានិតចិន ។ 

តាមការបញ្ជាក់របស់ឯ.ឧ ឃឹម ប៊ុនសុង បានឲ្យដឹងថា៖ ក្នុងដំណើរចូលរួមក្នុងវេទិកា កិច្ចសហ ប្រតិបត្តិការ ក្នុងចំណោមទីក្រុងទេសចរណ៍ នៃបណ្តាប្រទេស នៅតាម បណ្តោយ ទន្លេមេគង្គ ឡាងឆាង ក្រុងសានយ៉ា នៃសាធារណ​រដ្ឋប្រជាមានិតចិន នាពេលនេះ គឺជាការឆ្លុះបង្ហាញផងដែរ អំពីភាពរីកចម្រើនលើវិស័យទេសចរណ៍ នៅក្នុងតំបន់ ក៏ដូចនៅលើពិភពលោកផងដែរ ។
ម៉្យាងទៀត នេះក៏ជាឱកាសមួយដ៏សមស្របសម្រាប់ខេត្តសៀមរាប ដើមី្បធ្វើការផ្សព្វផ្សាយ ពីវិស័យទេសចរណ៍នៃទឹកដីប្រវត្តិសាស្ត្រ ដែលសម្បូរទៅដោយសម្បត្តិវប្បធម៌ដ៏សម្បូរបែប មានប្រាង្គប្រាសាទបុរាណ រួមទាំងប្រពៃណីរូបី និង អរូបីជាច្រើនទៀត ។
 ឯ.ឧ ឃឹម ប៊ុនសុង បានឲ្យដឹង ទៀតថា៖ ព្រះរាជាណាចក្រកម្ពុជា គឺជាប្រទេសមួយ ដែល មាន ទន្លេមេគង្គហូរឆ្លងកាត់ ហើយក៏ជាសមាជិកនៃគណៈកម្មាធិការទន្លេ   មេគង្គទៀតផង ។ ក្នុងនោះដែរគណៈប្រតិភូយើង នឹងធ្វើការទំនាក់ទំនងសហប្រតិបត្តិការ ជាមួយដៃគូ វិស័យ ឯកជនរបស់ចិនឲ្យចូលមកធ្វើវិនិយោគនៅកម្ពុជា សំខាន់ខេត្តសៀមរាប លើវិស័យ ទេសចរណ៍​ និងកសិកម្ម ដែលជាសក្តានុពលរបស់ខេត្តសៀមរាប ។

ឯកឧត្តមបានបន្តទៀតថា៖ បច្ចុប្បន្ននេះវិស័យទេសចរណ៍នៅ ខេត្តសៀមរាប មាន    កង្វះ ខាត ជាច្រើន ដើមី្បបម្រើនូវតម្រូវការរបស់ភ្ញៀវទេសចរណ៍  ក្រោយពីការទស្សនាកម្សាន្ត នៅតាមប្រាសាទ តំបន់រមណីយដ្ឋានធម្មជាតិ យើងត្រូវការចាំបាច់ ត្រូវមានរមណីយ ដ្ឋាន កែច្នៃ សម្រាប់ភ្ញៀវដើរ កម្សាន្តនៅក្នុងពេលរាត្រី ​ដើមី្បក្នុងការទាក់ទាញ ភ្ញៀវឲ្យស្នាក់នៅ បាន យូរថ្ងៃ ​ក្នុងការបង្កើននូវចំណូលជូនដល់ប្រជា ពលរដ្ឋដែល ទទួលផលពីវិស័យទេសចរណ៍នេះផងដែរ ៕