Bt-news.com និង bt-newsdaily.blogspot.com   សម្ដេចតេជោ ហ៊ុន សែន ជួបរដ្ឋមន្ត្រីក្រសួងទំនាក់ទំនងអន្តរជាតិមជ្ឈឹមបក្សកុម្មុយនីសចិន និង អញ្ជើញជួប ឯកឧត្ដម ចាង កាវលី ឧបនាយករដ្ឋមន្ត្រីចិន !!!!!!
ចូលមើលតាមរយៈ bt-newsdaily.blogspot.com
ចូលមើលវេបសាយតាមរយៈ bt-news.com
ចាងហ្វាងកាផ្សាយតាមរយៈ ០៩៧ ២២៤៧ ៥៧៧ / ០៧៧ ៨៦៥ ៥០០

នៅរសៀលថ្ងៃទី១១ ខែ កញ្ញា នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បាន អនុញ្ញាតអោយ ឯកឧត្ដម សុង ថាវ រដ្ឋមន្ត្រី រដ្ឋមន្ត្រីក្រសួងទំនាក់ទំនងអន្តរជាតិមជ្ឈឹមបក្សកុម្មុយនីស្ត ចិន ចូលជួបសម្ដែងការគួរសម និងពិភាក្សាការ ងារ នៅក្នុងផ្ទះសំណាក់រដ្ឋ Liyuan Resort ក្រុងណាននីង ខេត្តក្វាងស៊ី ប្រទេសចិន ។
នៅក្នុងជំនួបនេះ គឺមិត្តចិនបានបញ្ជាក់សារជាថ្មីប្រាប់សម្តេចតេជោ ថា កម្ពុជាគឺមិត្ត និងបងប្អូនដ៏ល្អរបស់ ប្រទេសចិន ! ប្រទេសចិនអរគុណសម្តេចតេជោដែលគាំទ្រនូវផលប្រយោជន៍ស្នូលរបស់មិត្តចិន ហើយ តាមរយៈកិច្ចសហប្រតិបត្តិការណ៍ជាដៃគូយុទ្ឋសាស្រ្តគ្រប់ជ្រុងជ្រោយ គឺបានរិតបន្តឹងនូវចំណងមិត្តភាពជា បងប្អូនដែលគ្មានបរទេសណាមកបំបែកបំបាក់បានឡើយ ។ ទន្ទឹមនឹងនេះ ក្នុងនាមជាបងប្អូន ប្រសិនបើ កម្ពុជាជួបប្រទះការលំបាកអ្វីមួយគឺត្រូវប្រាប់មិត្តចិនភ្លាមដើម្បីជួយទៅតាមលទ្ឋភាពជាក់ស្តែង គឺមិត្តចិនមិន ឈរមើលឡើង ។ ទន្ទឹមនឹងនេះដែរ មិត្តបានគាំទ្រជំនរុញអោយពង្រឹងនូវកិច្ចសហប្រតិបត្តិការអោយបាន ខ្លាំងថែមទៀតតាមរយៈការផ្លាស់ប្តូរទស្សនកិច្ចរវាងមន្រ្តីជាន់ខ្ពស់នៃប្រទេសទាំងពីរអោយបានច្រើន ហើយមិត្តចិនរីករាយក្នុងការបន្តជួយបណ្តុះបណ្តាលធនធានសមត្ថភាពកម្ពុជា ជាពិសេសតាមរយៈសហភាពសហព័ន្ឋយុវជនកម្ពុជា ។
សម្តេចតេជោនាយករដ្ឋមន្រ្តី អរគុណមិត្តចិនដែលនៅតែបន្តគាំទ្រ និងជួយកម្ពុជាគ្រប់ពេល ! ឆ្លៀតឱកាស នេះដែរ សម្តេចតេជោ ក៏បានជម្រាបជូនមិត្តចិនអំពីស្ថានភាពនយោបាយ និងសង្គមដែលស្ថិតក្នុងបរិយាកាសល្អជាមួយនឹងស្ថេរភាពសេដ្ឋកិច្ច ដោយបានបញ្ជាក់ថាការរីកចម្រើនរបស់កម្ពុជាគឺមិនអាចកាត់ផ្តាច់ពីការរួមចំណែករបស់មិត្តចិនបានឡើយ ។ កិច្ចប្រជុំរវាង សម្តេចតេជោ ហ៊ុន សែន និង លោក សុង ថាវ គឺបានរិតបន្តឹងបន្ថែមនូវចំណងមិត្តភាព សាមគ្គីភាព នឹងភាពជាដៃគូយុទ្ឋសាស្រ្តគ្រប់ជ្រុងជ្រោយ ក្នុងបរិយាកាសរីករាយ និងស្និទ្ឋស្នាលបំផុត ។
ហើយបន្ទាប់គ្នានៅរសៀលថ្ងៃដដែលនេះដែរ សម្តេចតេជោ បានជួបពិភាក្សាការងារជាមួយ ឯកឧត្តម សុង ថាវ រដ្ឋមន្ត្រីក្រសួងទំនាក់ទំនងអន្តរជាតិមជ្ឈឹមបក្សកុម្មុយនីស្តចិនរួចមក សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានអញ្ជើញជួបពិភាក្សាការងារទ្វេភាគីជាមួយ ឯកឧត្ដម ចាង កាវលី(Zhang Gaoli) ឧបនាយករដ្ឋមន្ត្រីចិន នៅមជ្ឈមណ្ឌលសន្និសីទ និងពិព័រណ៍អន្តរជាតិណាននីង (NICEC) ។
ឯកឧត្ដម Zhang Gaoli បានអរគុណដល់ សម្តេចតេជោ ដែលបានអញ្ជើញមកចូលរួមពិព័រណ៍ចិនអាស៊ាន ចំនួនជាង១០ លើករួចមកហើយ រួមទាំងពិពរណ៍ទី១៤ នៅទីក្រុងណានីងថ្ងៃស្អែកនេះ។ ឯកឧត្ដម Zhang Gaoli បានបញ្ជាក់ថា សម្តេចតេជោ គឺជាមិត្តដ៏ល្អរបស់ចិន ហើយកម្ពុជានិងចិនគឺជាបងប្អូននឹងគ្នា ។
នៅក្នុងជំនួបកាលពីរសៀលថ្ងៃនេះ សម្តេចតេជោ បានជម្រាបភាគីចិនផងដែរអំពីការខិតខំពង្រីកទីផ្សារ កសិផលដើម្បីជួយកសិករ ក្នុងនោះ សម្តេចតេជោ ក៏បានជម្រាបអំពីគម្រោងពហុកីឡាដ្ឋានមរតកតេជោ ដែលកំពុងសាងសង់ ព្រមទាំងការត្រៀមរៀបចំការបោះឆ្នោតសម្រាប់ឆ្នាំ ២០១៨ និងកាលបរិច្ឆេទនៃការ ប្រជុំ LANCANG-Mekong ដែលគ្រោងនឹងធ្វើនៅថ្ងៃទី ១០-១១ មករា ២០១៨។ សម្តេចតេជោ បានអរគុណមិត្តចិនដែលបានយកចិត្តទុកដាក់ខ្ពស់ចំពោះព្រះរាជសុខភាពរបស់ព្រះមហាក្សត្រនៃព្រះរាជាណាចក្រកម្ពុជា ព្រមទាំងសម្តេចម៉ែនៅក្នុងប្រទេសចិន ព្រមទាំងជំនួយជាច្រើនទៀតដែលមិត្តចិនផ្តល់ដល់កម្ពុជា ។
ឯកឧត្ដម Zhang Gaoli រីករាយចំពោះកិច្ចសហប្រតិបត្តិការកាន់តែល្អទៅមុខរវាងកម្ពុជាចិន ហើយលោក សុំអោយមានការផ្លាស់ប្តូរទស្សនកិច្ចរវាងមន្រ្តីនៃប្រទេសទាំង២អោយបានច្រើន។ រដ្ឋាភិបាលចិនតែងតែ គោរពស្រឡាញ់និងយកចិត្តទុកដាក់ចំពោះព្រះមហាក្សត្រកម្ពុជា និងសម្តេចម៉ែគ្រប់ពេលវេលា។ មិត្តចិន នឹងបន្តចូលរួមពង្រឹងការអភិវឌ្ឍប្រទេសកម្ពុជា ដោយពង្រីកកិច្ចសហប្រតិបត្តិការគ្រប់វិស័យហើយនៅឆ្នាំ២០១៨នេះកម្ពុជាអាចនាំអង្ករចេញមកចិនបន្ថែមទៀតទៅតាមកូតាថ្មីដែលបានសម្រេចផ្តល់បន្ថែមរួចហើយកាលពីពេលថ្មីៗ។ ទន្ទឹមនឹងនោះដែរ គឺភាគីចិននឹងខិតខំជំរុញគម្រោងសាងព្រលានយន្តហោះថ្មីនៅ សៀមរាប គម្រោងរថភ្លើងល្បឿនលឿន និងគម្រោងផ្សេងៗអោយបានដំណើរកាឆាប់ រួមទាំងគម្រោង អភិវឌ្ឃន៍កសិកម្ម ដើម្បីជួយពលរដ្ឋតាមជនបទ ព្រមជាមួយនឹងគម្រោងជំនួយឥតសំណងនានាដែល ចិនបានសម្រេចជួយកម្ពុជា។ មិត្តចិនសន្យានឹងបន្តជួយដល់ការកសាងធនធានយុវជនតាមរយៈសហប្រតិបត្តិការជាមួយសហព័ន្ឋសហភាពយុវជនកម្ពុជា និងគម្រោងជាច្រើនទៀតដើម្បីកាត់បន្ថយភាពក្រីក្រ។ ទន្ទឹមនឹងនេះដែរ មិត្តចិនក៏នឹងជួយដល់ការផ្សព្វផ្សាយព័ត៌មានពីប្រទេសកម្ពុជាតាមរយៈបណ្តាញ ព័ត៌មាន របស់ចិនដើម្បីអោយពិភពលោកបានស្គាល់កម្ពុជាពិតក្នុងសន្តិភាព និងឃើញពីការរីកចម្រើននានា។
ឯកឧត្ដម Zhang Gaoli បានជម្រាប សម្តេចតេជោ ថាបើកម្ពុជាត្រូវការអ្វីអោយមិត្តចិនជួយ គឺសូមប្រាប់ មកភ្លាម នូវគម្រោងអាទិភាពនានាដែលត្រូវការជំនួយទាំងនោះ។ នៅឆ្នាំ ២០១៨ កម្ពុជាគឺជាប្រទេសកិត្តិយសក្នុងការរៀបចំពិព័រណ៍ចិនអាស៊ាន ដែលប្រទេសចិននឹងត្រៀមលក្ខណៈរៀបចំអោយបានល្អបំផុត ព្រោះកម្ពុជាជាមិត្ត ដ៏ល្អនិងជាបងប្អូនដ៏ល្អ ហើយប្រទេសចិនគឺជាខ្នងបង្អែកដ៏រឹងមាំសម្រាប់ជួយកម្ពុជា គ្រប់កាលៈទេសៈទាំងអស់។ បន្ទាប់ពីកិច្ចប្រជុំទ្វេភាគីរួចមក ឯកឧត្ដម Zhang Gaoli បានរៀបចំពិធីជប់លៀងជូនសម្តេចតេជោ និងគណៈប្រតិភូប្រកបដោយ បរិយាកាសរីករាយ និងស្និទ្ឋស្នាលក្រៃលែង ៕