BT-NEWS.COM មន្ទីររ៉ែ និងថាមពលខេត្ត រងហ្នឹងការរិះគន់ ចេញច្បាប់ឲ្យក្រុមហ៊ុន ជីកយករ៉ែ ធ្វើឲ្យបាត់បង់ ធនធានរ៉ែត្បូង ដែលនៅសល់ តិចតួច


វេប សាយ bt-news.com មានការ រអាក់រអួល ! សូមអភ័យទោស
ចាងហ្វាងការ ផ្សាយតាមរយៈ ! ០៩៧ ២២៤៧ ៥៧៧ / ០៧៧ ៨៦៥ ៥០០

.
ខេត្តប៉ៃលិន៖ ប្រជាពលរដ្ឋបាន សំដែងការព្រួយបារម្មណ៍ជាខ្លាំងនូវការបាត់បង់ធនធានរ៉ែត្បូង ដែលនៅសល់តិចតួច ខណៈមន្ទីររ៉ែ និងថាមពលខេត្ត បានចេញអជ្ញាប័ណ្ណអនុញ្ញាត្តិ ឲ្យក្រុម ហ៊ុន ធ្វើអជីកម្មរ៉ែត្បូង ដោយប្រើប្រាស់សុទ្ធតែគ្រឿងចក្រ ធុនធ្ងន់ ! ស្ថិតនៅភូមិបរហ៊ុយ សង្កាត់បរយ៉ាខា ក្រុងប៉ៃលិន ។

ប្រភពពីប្រជាពលរដ្ឋបាននិយាយថា៖ ក្រុមហ៊ុនដែលកំពុងធ្វើអាជីវកម្មជីករ៉ែត្បូងនេះ​ បានបោះ ទីតាំងធ្វើអាជីវកម្មតាំងពីរដូវ វស្សា​រហូត​មកម្លេះ ដោយក្រុមហ៊ុនបានប្រើប្រាស់ គ្រឿងចក្រជីក យករ៉ែ និងម៉ាស៊ីនរែងរ៉ែត្បូង គឺសុទ្ធតែជា​ម៉ាស៊ីន ស្វ័យប្រវត្តិជាច្រើនគ្រឿង មានលក្ខណៈទ្រង់ ទ្រាយធំ ។



ពួកគាត់បាននិយាយទៀតថា៖ រ៉ែត្បូងថ្មរធម្មជាតិ នៅខេត្ត​ប៉ៃលិន គឺនៅសល់តិចតួចតែប៉ុណ្ណោះ បន្ទាប់ពីក្រុមហ៊ុនថៃ បានប្រើប្រាស់គ្រឿងចក្របែបនេះ យក​អស់​ ម្តងហើយ ! បើអាជ្ញាធរនៅតែ បណ្តែតបណ្តោយបែបនេះតទៅទៀត ច្បាស់ជា កូនចៅ​ជំនាន់​ក្រោយៗ មិន ស្គាល់ត្បូងប៉ៃលិនទៀតនោះឡើយ ។

លោក តាំង ប៊ុនហេង  ម្ចាស់អាជីវកម្មរែងយករ៉ែត្បូងបានបញ្ជាក់ថា៖ ក្រុមហ៊ុនមានច្បាប់ទម្លាប់ ត្រឹមត្រូវ មុនហ្នឹងក្រុមហ៊ុន ធ្វើអាជីវកម្មនេះ ! ព្រោះលោកបាន ធ្វើលិខិត​សុំការអនុញ្ញាតិ ពី អាជ្ញាធរ មូលដ្ឋាន ព្រមទាំងទទួលបានអាជ្ញាប័ណ្ណពីមន្ទីររ៉ែ និងថាមពលខេត្តទៀតផង ។

ពាក់ព័ន្ធនឹងបញ្ហានេះដែរ លោក​ សុខ សួន  អនុប្រធានមន្ទីររ៉ែ និងថាមពលខេត្តបានឲ្យដឹងថា៖ អាជីវ​កម្ម​រែងយករ៉ែត្បូងនេះ គឺពិតជាបានទទួលច្បាប់អនុញ្ញាត្តិធ្វើអាជីវកម្ម ពីមន្ទីររ៉ែ និង ថាម ពល ខេត្តពិតមែន ! ដោយ​ មន្ទីររ៉ែ និងថាមពលខេត្ត គឺទទួលបានសិទ្ធពីក្រសួង ក្នុងការ អនុញ្ញាត្តិ ចេញអាជ្ញា​ប័ណ្ណ​ឲ្យ​ក្រុម​ហ៊ុនខាងលើ ធ្វើអាជីវកម្មត្រឹមតែទ្រង់ទ្រាយតូច ជាលក្ខណៈ គ្រួសារតែប៉ុណ្ណោះ ៕ ( បើមានបញ្ហាទំនាក់ទំនងតាមរយៈលេខទូរស័ព្ទខាងលើ )