បូកសរុបលទ្ធិផលការយោធាឆ្នាំ២០១៧លើកទិសដៅការងារឆ្នាំ២០១៨និងប្រគល់ប័ណ្ណ​សរសើរនិងបំពាក់ឋានន្តរស័ក្កិដល់អង្គភាពកងពលតូចថ្មើរជើងលេខ៤១

អង្គភាព Bt-news ចេញផ្សាយថ្ងៃ សៅរ៍ ០៣រោជ ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី០៣ ខែកុម្ភៈ គស ២០១៨
ចូលមើលតាមរយៈ bt-newsdaily.blogspot.com
ចូលមើលវេបសាយតាមរយៈ bt-news.com
ចាងហ្វាងកាផ្សាយតាមរយៈ ០៩៧ ២២៤៧ ៥៧៧ / ០៧៧ ៨៦៥ ៥០០

ខេត្តឧត្តរមានជ័យ៖  ឯកឧត្តមឧត្តមសេនីយ៍ឯក ជា ម៉ន មេបញ្ជាការរង​កង​ទ័ព​​ជើងគោក មេបញ្ជាការយោធភូមិភាគទី៤ បានអញ្ជើញ ជាអធិបតី ក្នុងពិធីបូកសរុបលទ្ធផល ការងារ យោធាឆ្នាំ២០១៧ និងលើកទិសដៅការងារយោធា ឆ្នាំ​២០១៨ នៅ កងពលតូចថ្មើរជើងលេខ៤១ នាព្រឹកថ្ងៃទី០៣ ខែកុម្ភៈ ឆ្នាំ២០១៨ នេះ !  ហើយក្នុងឱកាស នោះ ក៏មានការប្រគល់​ប័ណ្ណសរសើរ និងបំពាក់ឋាន​ន្តរ​​ស័ក្កិដល់នាយទាហាន នាយទាហានរង ដែលមានស្នាដៃ​ល្អ ក្នុងការបម្រើជូនជាតិមាតុភូមិ ។

ឯកឧត្តមឧត្តមសេនីយ៍ទោ នាង ឃីម មេបញ្ជាការកងពលតូចថ្មើរជើងលេខ៤១ បាន​ថ្លែង អំណរគុណ ដល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជា ណា ចក្រកម្ពុជា និងសម្តេចសេនាពិជ័យ ទៀ បាញ់ ឧបនាយក​រដ្ឋមន្រ្តី រដ្ឋមន្រ្តី ក្រសួង ការពាជាតិ ដែលបានយកចិត្តទុកដាក់យ៉ាងខ្លាំង លើវិស័យយោធាជាពិសេស កងទ័ព ដែលឈរជើងការងារទឹកដីនីទិសសមរភូមិមុខ !  ហើយក្នុងនោះ សម្តេចបានខិតខំ ពង្រឹង កងទ័ពឱ្យ​មានសមត្ថភាព ក្នុងការ​អនុ​វត្តន៍តួនាទី និងភារកិច្ច ក្នុងបេសសកម្មការពារជាតិ ជាពិសេស​បានជម្រុញដល់ការហ្វឹកហ្វឺន គ្រប់ជំ​នាញ របស់កងយោធពលខេមរភូមិន្ទ ហើយជា​ស្តែង សម្តេច​បានឧបត្ថម្ភ ប្រាក់ហូប បន្ថែម​ជា​ប្រចាំ​ថ្ងៃដល់កងកម្លាំង ប្រដាប់ អាវុធជួរមុខ ដែលជា​ហេតុធ្វើឱ្យ មានការរីកចំរើនគ្រប់​កន្លែងពីមួយថ្ងៃ ទៅមួយថ្ងៃ ។

ឯកឧត្តមបន្តថា ! សកម្មភាពការងារឆ្នាំ២០១៧កន្លងមកនេះ អង្គភាពបានត្រៀមសំភារៈ បរិក្ខាសឹក និងស្បៀង ដើម្បីជួយអន្តរាគមន៍ ទៅព្រំដែន កម្ពុជា-ឡាវ ទិសយោធភូមិភាគទី​០១ ខេត្តស្ទឹងត្រែង ជាការឆ្លើយតបតាមសភាពការណ៍កើតឡើង ជាយក្សថាហេតុ ។

ក្រោយពីមេបញ្ជាការតាមបណ្តាល កងឯកភាពចំណុះ កងពលតូចថ្មើរជើងលេខ៤១ បានឡើងធ្វើបទបង្ហាញ អំពីបទពិសោធន៍ការងារ លើការគ្រប់គ្រងកម្លាំង គ្រឿងបំពាក់ អបរំនយោបាយចិត្តសាស្រ្ត ការកសាងអង្គភាព និងការធានាផ្គត់ផ្គង់ចិញ្ចឹមកងទ័ព ។ នាឱកាសនោះដែរ​ឯកឧត្តម ឧត្តមសេនីយ៍ឯក ជា ម៉ន បានប្រគល់ប័ណ្ណសសើរ និងបំពាក់ ឋានន្តរស័ក្ត​ដល់នាយទាហាន និងនាយទាហានរង ដែលមានស្នាដៃល្អ ក្នុងការ បំពេញ ភារៈកិច្ច ។
ឯកឧត្តមឧត្តមសេនីយ៍ឯក ជា ម៉ន បានមានប្រសាសន៍កោតសសើរ ដល់កងពល​តូចថ្មើរ ជើងលេខ៤១ ដែលបានបំពេញភារកិច្ចបានល្អប្រសើរ ទាំងការងារកសាងអង្គភាព ទាំង ការងារ​ចិញ្ចឹម​ទ័ព និងគ្រូសារកងទ័ព ដែលស្របទៅតាមគោលនយោបាយរបស់រាជរដ្ឋា ភិបាល និង​ក្រសួងការពារជាតិ ។

ហើយក្នុងនោះ ឯកឧត្តមក៏បានធ្វើការផ្តាំផ្ញើរថា គ្រប់បណ្តាលអង្គភាពត្រូវយក​ចិត្ត ទុកដាក់ ឱ្យខ្ពស់ រាល់សំភារសឹក ស្បៀង និងនៅបរិវេណជុំវិញទីតាំងឃ្លាំង បន្ទាយកងទ័ព​ ត្រូវ​បោស ​សំ​អាតសំរាម ស្មៅ ឬព្រៃ ការពារភ្លើងឆេះព្រៃ ។ ជាងនេះនេះទៅទៀតកងពល បន្ត ការហ្វឹក​ហ្វឺនបំប៉នគ្រប់ជំនាញបន្ថែមទៀត ធ្វើការអប់រំចិត្តសាស្រ្ត អំពីគោល នយោបាយ និង​អនុ​សាសន៍ របស់ប្រមុខរាជរដ្ឋាភិបាល ផែនការក្រសួងការពារជាតិ ឱ្យយល់ពីភារកិច្ច​ការពារ​ព្រះមហាក្ស ការពាររាជរដ្ឋាភិបាល និងការពារប្រជាជន ។

ឯកឧត្តមបានបញ្ជាក់បន្ថែមទៀតថា ! ត្រូវខិតខំបន្តជម្រុញគោលជំហ ក្នុងភារកិច្ច​ក្នុង​ការ​កសាងធនធានមនុស្ស លើពលទាហានថ្មី និងហ្វឹកហ្វឺនបំប៉ន​ ដើម្បីជាទំពាំងស្នងឫស្សី ​ដឹកនាំបន្ត​ នៅតាមបណ្តាលអង្គភាព ៕