ចូលមើលតាមរយៈ bt-newsdaily.blogspot.com
ចូលមើលវេបសាយតាមរយៈ bt-news.com
ចាងហ្វាងកាផ្សាយតាមរយៈ ០៩៧ ២២៤៧ ៥៧៧ / ០៧៧ ៨៦៥ ៥០០
ខេត្តសៀមរាប៖ ចិញ្ចើមផ្លូវជាប់របងមន្ទីរពេទ្យបង្អែកខេត្តផ្នែកខាងលិច ដែលកន្លងមក ជាកន្លែងចំណតឡានធុនតូច ! ពេលនេះបានកំពុងក្លាយជាផ្សារអនាធិបតេយ្យ របស់ក្រុមជាងធ្វើសសោរគ្រប់ប្រភេទ និងដាក់លក់គ្រឿងចម្អិនតាមរទេះ ! វាបានក្លាយទៅជាទីលានជម្លោះរវាងម្ចាស់រថយន្ត និងក្រុមជាងធ្វើសោរ ។
ករណីនេះបានធ្វើឲ្យក្រុងទេសចរណ៏សៀមរាប-អង្គរ បាត់បង់សោភ័ណ្ឌភាព ក៏ដូចជាកំពុងបង្ខំឲ្យប្រែក្លាយតំបន់នេះទៅជាតំបន់អនាធិបតេយ្យ ក៏អាចនិយាយបាន។
ស្ត្រីវ័យជាង៣០ឆ្នាំម្នាក់សុំមិនបញ្ចេញឈ្មោះបាននិយាយថា ! រូបគាត់គ្រាន់ តែស្រែកសុំឲ្យជួយយកសម្ភារៈដែលរាយប៉ាយចេញពីទីនោះ ដើម្បី ចតរថយន្ត ក៏ត្រូវទទួលរងការមាក់ងាយ ពីជាងធ្វើសោរយ៉ាងចាស់ដៃទៅវិញ ។
(ស្ត្រី)និយាយទៀតថា ! ត្រឹមតែពាក្យសុំ បែជាជាងសោរបែជាតបវិញថា ម្តេចមិនរកកន្លែងផ្សេងចតទៅ រូបគេ(ជាងសោរ)បានទទួលសិទ្ធិលក់ដូរទីនេះពីសមត្ថកិច្ចរួចហើយ គឺបានបង់ប្រាក់ប្រចាំខែគឺសុំរកកន្លែងផ្សេងចុះ មិនចឹងទេប្រយ័ត្នបែកកញ្ចក់ឡាន ! ឃើញស្ថានការជននោះនិយាយហាក់គ្មានសុជីវធម៌រូបគាត់បង្ខំបើកឡានចេញ តែមុនចាកចេញគាត់ឲ្យជននោះបញ្ជាក់អំពីសមត្ថកិច្ចរូបណាដែលអនុញាតិ ។
ព្រោះថាចិញ្ចើមផ្លូវជាប់របងពេទ្យពុំមែនទីផ្សារលក់ដូរឬ ជាកន្លែងសម្រាប់ជាងសោនោះឡើយ គឺសម្រាប់តែចតឡានប៉ុណ្ណោះ ។ ស្ត្រីរូបនោះ បានសុំទៅអាជ្ញាធរមានសមត្ថកិច្ចគ្រប់ថ្នាក់ មេត្តាអនុវត្តគោលការដែលធ្លាប់អួតអាងថា រៀបចំសោភណ្ឌ័ភាពក្រុង ឲ្យក្លាយជាក្រុងស្អាត ក្រុងគំរូ ព្រោះមិនមែនជាកន្លែងទីផ្សារអនាធិបតេយ្យ ឡើយ ។ ប្រជាពលរដ្ឋសំណូមពរដល់អាជ្ញាធរ ចាត់វិធានការបញ្ហាខាងលើនេះ ផង ដើម្បីមានភាព ងាយស្រួលក្នុងការចតរថយន្ត សម្រាប់មន្ទីពេទ្យ និងបញ្ជៀសការកកស្ទះចារាចរណ៍ផងដែរ ៕
No comments:
Post a Comment